პატარა ნუგბარი ნაყოფიერი დღისათვის

ენერგიის მომცემი პატარა ნუგბარი რომელიც ნაყიფიერი დღის დაწყებაში დაგეხმარებათ ყოველთვის სასურველია, განსაკუთრებით, მაშინ როცა ეს ნუგბარი გეხმარებათ წონის ოპტიმალურ დონეზე დაყვანასა და შენარჩუნებაში და ამასთან ძალიან გემრიელია და მოსამზადებლად უმარტივესი.

მის მოსამზადებლად მხოლოდ ბლენდერი დაგჭირდებათ, არ უნდა გამოცხობა და მაცივარში მშვენივრად ინახება.

ამასთან ძალიან კარგი ტექსტურა აქვს და აუცილებლად გახდება თქვენი საყვარელი წასახემსებელი.

რათქმაუნდა მოცემულ რეცეპტსაც უამრავი ვარიაცია აქვს, რაც თქვენს გემოვნებაზეა დამოკიდებული, ერთ-ერთი პოპულარული ინგრედიენტი მოცემული რეცეპტისთვის ქიშმიშია, რომელიც ბურთულების გაკეთებას მარტივს ხდის რადგან მას წებოვნებას ანიჭებს, თუმცა ჩვენ მოცემულ რეცეპტში მას არ ვიყენებთ, რადგან ის ძალიან ტკბილია და შოკოლადთან ერთად ბევრისთვის არცთუ ისე საყვარელია. თუმცა თქვენ შეგიძლიათ ექსპერიმენტები ჩაატაროთ და თქვენთვის ოპტიმალური ნაზავი იპოვნოთ. გარდა ქიშმიშისა ასევე ხშირად უმატებენ სხვა ხილის ჩირებსაც, მარწყვის ან გარგარის ჩირი ასევე პოპულარულია ამ ნუგბარისთვის. თუმცა რეცეპტი რომელსაც გთავაზობთ არაფრით ჩამოუვარდება მის სხვა ვარიაციებს.

ინგრედიენტები

• 2 ჭიქა შვრიის ფანტელები
• 2 ჭიქა ქოქოსის ფანტელები
• ½ ჭიქა არაქისის კარაქი
• ¼ ჭიქა ჩიას მარცვლები, ასევე შეგიძლიათ გამოიყენოთ სელი
• ½ ჩაის კოვზი მარილი
• ½ ჩაის კოვზი ვანილი
• ½ ჭიქა შოკოლადის ღილები ან მარცვლები

მოცემული ინგრედიენტების პროპორციები 30 ცალი ენერგეტიკული ბურთულას გაკეთების საშუალებას გაძლევთ

ინსტრუქციები

1. დააბლენდერეთ შვრია და ქოქოსი სანამ ფქვილის მაგვარ, მაგრამ შედარებით უხეშ მასას მიიღებთ
2. დაამატეთ ბლენდერში არაქისის კარაქი, თაფლი, ჩიას მარცვლები, მარილი, ვანილი, და შოკოლადის ღილები დააბლენდერეთ კიდევ ერთხელ სანამკარგად აიზილება ერთმანეთში და შოკოლადები ძალიან პატარა ნაწილებად დაიჭრებას
3. დაამრგვალეთ პატარა ბურთულებად (თუ არასაკმარისად წებოვანია ცოტა თაფლი და არაქისის კარაქი კიდევ დაუმატეთ და ხელახლა დააბლენდერეთ)
4. გაყინეთ სანამ მაგარი გახდება. შეინახეთ საყინულეში ან უბრალოდ მაცივარში.

გემრიელად მიირთვით!